პალიტრა კლასიკა – დონ კიხოტი

ყველა დროის ყველაზე პოპულარული ლიტერატურული გმირი – „პალიტრა კლასიკაში“!
მას ძეგლებს დღემდე უდგამენ, მასზე ფილმებს იღებენ და სპექტაკლებს დგამენ. დონ-კიხოტი – ჩაგრულთა ქომაგი, უკეთესი მომავლის იმედით სავსე მეოცნებე, მელანქოლიური ფილოსოფოსი, მებრძოლი და ფანტაზიორი – დღემდე რჩება ერთ-ერთ ყველაზე მნიშვნელოვან ლიტერატურულ სახედ, რომლის შექმნითაც მიგელ დე სერვანტესმა სამუდამოდ დაიკავა განსაკუთრებული ადგილი მსოფლიო ლიტერატურის ისტორიაში.

სერვანტესის წიგნი მარადიულ თემებზეა – მშვიდობაზე, ომზე, ბოროტებისა და სიკეთის დაპირისპირებასა და ამ ბრძოლის დაუსრულებლობაზე, ხვალინდელი დღის იმედზე.

ქართველ მკითხველს წილად ხვდა ბედნიერება, ამ უმნიშვნელოვანეს ლიტერატურულ ძეგლს ჩვენი დროის უდიდესი მოღვაწის, ბაჩანა ბრეგვაძის, ბრწყინვალე თარგმანით იცნობდეს.