იკითხე კლასიკა – ამპარტავნობა და ამოჩემება

“მას დიდ ინგლისელ მწერალად, ვიქტორიანული ეპოქის ლიტერატურის თვალსაჩინო წარმომადგენლად, ქალის ფსიქოლოგიის უბადლოდ მცოდნე მწერალად მოიხსენიებენ, თუმცა ბრიტანული ლიტერატურის პირველი ლედის სტატუსი ყველა შეფასებაზე უკეთ გამოხატავს ჯეინ ოსტინისადმი როგორც ლიტერატურის კრიტიკოსთა, ისე მკითხველის დამოკიდებულებას.
„ამპარტავნობა და ამოჩემება“ ოსტინის ყველაზე გახმაურებულ ნაწარმოებად, ინგლისურ ლიტერატურაში ყველაზე პოპულარულ რომანად და მილიონობით მკითხველის საყვარელ წიგნადაა მიჩნეული.
ბენეტებს ხუთი ქალიშვილი ჰყავთ და ოჯახის მომავლის სიმყარისთვის ერთი ქალიშვილი მაინც უნდა გათხოვდეს მდიდარზე. ოჯახი და საზოგადოება, პიროვნება და სოციუმი – ეს ჩვეულებრივი თანაცხოვრება და მოცემულობა კი არა, ერთგვარი დაპირისპირებაა: ოჯახი საზოგადოების წესებისა და მოთხოვნების მძევალია, პიროვნების ინდივიდუალიზმს კი სოციუმი მართავს. ამ რეალობის სიმძაფრეს ჯეინ ოსტინი შეფარული სარკაზმითა და პერსონაჟთა ღრმა და საინტერესო პორტრეტებით, ხასიათთა მრავალფეროვნებით ხატავს.”